Servizzi ta’ Diżabilità – It-tim tas-Servizzi ta’ Diżabilità ta’ Villa Maria huwa appassjonat biex jissapportja nies b’diżabilità biex jiksbu l-għanijiet u l-ħolm personali tagħhom. L-istaff jgħinu, jissapportjaw u jinkoraġġixxu nies biex jieħdu sehem kompletament u ndaqs fil-komunità, billi joħolqu direzzjonijiet u opportunitajiet diversi tal-għażliet tagħhom. Il-varjetà ta’ servizzi tagħna tinkludi Akkomodazzjoni b’Sapport m’Oħrajn, respite (serħan) ibbażat f’faċilità u flessibbli, għażliet għall-adulti għal matul il-ġurnata, sapport individwali, immaniġġar ta’ każi individwali u sapport għal dawk li jieħdu ħsieb l-anzjani. Jekk tkun trid aktar informazzjoni jekk jogħġbok ċempel (03) 9855 7616 jew (03) 9855 7618

 

Servizzi ta’ Edukazzjoni – Villa Maria tissapportja tfal b’diżabiltajiet u dewmien fl-iżvilupp. Villa Maria taħdem mal-familji biex tiżgura li kull tifel u tifla jkollha access għal edukazzjoni komprensiva, programmi ta’ żvilupp u terapija biex jgħinuhom jiżviluppaw il-potenzjal sħiħ intellettwali, fiżiku, emozzjonali u spiritwali tagħhom. Is-Servizz tagħna ta’ Intervent Kmieni fit-Tfulija jissapportja tfal minn 0 sa 6 snin; St Paul’s College joffri programm li jilħaq tfal tal-età tal-prep u tfal tal-età tal-iskola minn 5 sa 18-il sena fejn jirċievu sapport individwali intensiv biex jippreparahom għall-ħajja adulta. Biex tkun taf aktar dwar l-Early Childhood Intervention Service jekk jogħġbok ċempel (03) 9855 7850;  biex tistaqsi dwar St Paul’s College jekk jogħġbok ċempel (03) 9855 7700

Servizzi Komunitarji – Il-varjetà estensiva ta’ servizzi komunitarji ta’ Villa Maria tgħin lill-anzjani u lil dawk li jieħdu ħsiebhom biex jibqgħu attivi u f’kuntatt  fil-komunità tagħhom. Servizzi joperaw f’Melbourne Metropolitana, Victoria Reġjonali u r-Reġjun tar-Riverina tan-Nofs in-Nhar ta’ New South Wales. Programmi speċifiċi għall-anzjani jinkludu pakketti ta’ kura għall-anzjani b’fondi tal-Commonwealth, inkluzi pakketti tad-Dimenzja, CACP, EACH u EACH, programmi ta’ sapport għall-kerers, inklużi kerers żgħażagħ, kerers għal dawk b’mard mentali, u kerers ta’ dawk b’diżabbiltajiet severi/profondi; programmi ta’ respite għal matul il-ġurnata u matul il-lejl, servizzi ta’ rijabilitazzjoni u sapport għal akkomodazzjoni. Għal informazzjoni jekk jogħġbok ċempel 1300 650 615

 

Kura għall-Anzjani Residenzjali – Villa Maria għandha erba’ faċilitajiet residenzjali ta’ kura għall-anzjani li qegħdin f’Prahran, Berwick, Bundoora u Wantirna* Il-faċilitajiet residenzjali ta’ kura għall-anzjani tagħna għandhom akkreditazzjoni sħiħa u jipprovdu lir-residenti bl-ogħla standards ta’ kura possibbli. L-għanijiet ewlenin tal-kura tal-anzjani residenzjali f’Villa Maria huma li jissapportjaw il-bżonnijiet soċjali u kulturali diversi tar-residenti, jiffaċilitaw relazzjonijiet pożittivi u l-ħolqien ta’  opportunitajiet lir-residenti biex jieħdu gost b’attivitajiet komunitarji u ħbiberija. Għal informazzjoni jekk jogħġbok ċempel 1300 845 525

Ħajja indipendenti għall-anzjani.Villa Maria għandha żewġ għażliet ta’ ħajja indipendenti għall-anzjani.

 

Athelstan Camberwell huwa villaġġ għall-irtirar li bħalissa qed jinbena u mistenni jkun lest f’nofs is-snin 2012. Meta jkun lest, residenti jkunu jistgħu jieħdu gost bi standards ġodda ta’ ħajja  indipendenti f’appartamenti lussużi f’post komdu u konvenjenti viċin l-istrixxa ta’ ħwienet f’Bourke Road,  Rivoli Cinemas, restoranti, parks, u faċilitajiet għal ħin ħieles u sportivi b’aċċess eċċellenti għat-trasport pubbliku. Għal informazzjoni ċempel (03) 9882 5800

 

Units għal ħajja indipendenti mibnija u immaniġġati mill-Office of Housing qegħdin f’Wantirna u f’Bundoora. Residenti jridu jkunu assessjati mill-Office of Housing bħala li jkunu eliġibbli għal residenza pubblika. Villa Maria żżomm id-drittijiet ta’ sponsorjar li ddaħħal residenti fil-units ta’ ħajja indipendenti. Għal informazzjoni ċempel (03) 9855 7600

Opportunitajiet għall-Voluntiera.Villa Maria kienet stabbilita mill-voluntiera fl-1907 u illum għad għandha rwol kruċjali biex tilħaq il-viżjoni tagħha ta’ ħolqien ta’ għażliet u tibni komunitajiet inklussivi, sostenibbli u b’kompassjoni.  Villa Maria għandha s-sapport ta’ aktar minn 300 ħaddiema voluntiera.

Ix-xogħol volontarju f’Villa Maria huwa ċans biex tieħu sehem fil-komunità lokali tiegħek, taqsam il-kapaċitajiet tiegħek ma’ oħrajn, tikkonnettja ma’ nies tal-istess fehma u tagħmel differenza vera fil-ħajja tan-nies. Tista’ tiżviluppa wkoll kapaċitajiet ġodda, tikseb esperjenza prezzjuża tax-xogħol, tibni l-kunfidenza tiegħek, u tieħu gost!

Għal informazzjoni ċempel (03) 9855 7755

 

Opportunitajiet ta’ sapport. Il-kapaċita ta’ Villa Maria li tissostjeni u tkabbar is-servizzi tagħha hija possibbli biss permezz tal-impenn kontinwu u s-sapport tal-komunità.  Villa Maria tilqa’ donazzjonijiet ikunu kemm ikunu kbar jew żgħar. Tista’ tagħmel donazzjoni ta’ darba, issir donatur regulari, tissapportja l-appell preżenti tagħna, tħalli dispożizzjoni f’testment dwar propjetà personali jew tista’ issir sapporter korporattiv. Biex tkun taf kif tista’ tgħinna biex nagħmlu differenza ċempel  (03) 9855 7641

 

Email – villamaria@villamaria.com.au

Website – www.villamaria.com.au